听“白蛇唱粤剧”

白 话广州

从5月20号开始，广东粤剧院有份打造嘅粤剧电影《白蛇传·情》喺国内上画，一跃成为“今年口碑最高嘅国产片”——其实，同大家见面之前，呢部作品就已经获得过加拿大金枫叶国际电影节最佳戏曲歌舞影片奖、中国平遥国际电影展最受欢迎影片奖，并且入围中国电影金鸡奖最佳戏曲片，个中实力可谓“把炮”。

好多睇过《白蛇传·情》嘅观众都话，呢部片最大嘅特点就系可以吸引年轻人：佢呈现出水墨交融嘅唯美“国风”，正系当下潮流所在；4K特效不惜工本，将“水漫金山”嘅滔天巨浪、白素贞嘅写意水袖等经典场面演绎得淋漓尽致，可谓粤剧创新嘅佳作。

对于广东粤剧院来讲，呢种创新亦唔系第一次了。早喺2015年，佢哋就推出过新编粤剧《决战天策府》，将热门武侠游戏《剑侠情缘3》改成戏曲。演员以网游主角风格装扮，加入流行音乐、裸眼3D等当代元素，吸引咗好多年轻人关注。佢哋喺戏院外面排队排到打晒蛇饼，人数有时会多达3000左右。

创新作品嘅不断推出，拉近咗粤剧同年轻人嘅距离，吸引佢哋了解粤剧，欣赏粤剧，亦令到呢份宝贵嘅文化遗产得以传承同发展落去。

◎梁倩薇 编辑

新闻推荐

广州全力打造“穗”系列政务品牌 持续推进“数字政府”改革建设穗康码“圈粉” 政务“码上”办

广州市政务服务中心，工作人员为前来办理业务的市民提供帮助。广州日报全媒体记者苏俊杰摄梁文谦。广州日报全媒体记者苏俊...