成珠鸡仔饼

白话广州

最近有个老字号出新货，出咗款铁盒鸡仔饼。不过，如果唔系用来送礼，包装如何食客系唔多在意嘅，关键系里边嘅鸡仔饼味道如何。

广州人都知，正宗鸡仔饼系河南成珠楼嘅出品。成珠楼如果仲未拆嘅话，到今日都有二百几年历史。鸡仔饼嘅“发明”，要归功于妹仔小凤。

据传小凤系成珠楼原主人伍紫垣嘅妹仔。某日伍紫垣要接待客人，叫小凤整款点心出嚟待客。由于当时屋企冇原料，小凤就去成珠楼将惠州梅菜同五仁月饼馅带返嚟（亦都有话系因为月饼滞销），将呢两样嘢搓烂，加上用糖腌过嘅肥猪肉，再加入精盐、南乳、蒜蓉、胡椒粉同五香粉，用饼皮包裹，搓成粒状再压扁，烤到脆卜卜之后待客。客人食过之后觉得呢块饼咸中带甜，肥而不腻，甘香酥化。后来成珠楼嘅师傅参照小凤嘅方法，制作出依家众所周知嘅鸡仔饼。

鸡仔饼旧称“小凤饼”，系因为小凤。据讲当年广播电台曾经帮“鸡仔饼”卖过广告：“老乡老乡，几时出省城？省城最有名，成珠鸡仔饼，你去省城最紧要买鸡仔饼”，嗰句“省城最有名，成珠鸡仔饼”可以话系唱到街知巷闻喇。

◎李月婷 媒体人

新闻推荐

惠州市中心人民医院重症医学科主任凌云坚守抗疫一线交出亮眼“答卷” “我是医生， 我的使命就是救人”

“要紧绷防控这根弦不放松！”在科室近期举办的业务培训会上，市中心人民医院重症医学科主任凌云一如既往地叮嘱医务人员。凌...