市一嘅“方便”

白话广州

新闻话，近日发布嘅《广州市第一人民医院高水平医院建设方案》提出，支持市一建设成为国际知名、国内一流的高水平现代化大型综合医院。

市一做高水平现代化大型综合医院可以话底子最好。市一嘅历史已经有成百几年咁长。当时，全国开始有“善堂”呢种民间慈善组织。而喺广州，就有方便、广仁、润身、爱育、崇正、广济、惠行、述善、明善“九大善堂”。当年嘅“九大善堂”集中喺西关一带。到咗今日，“九大善堂”仲可以揾得到地方嘅，就得返五间。方便医院就系其中一间，即系我哋今日所讲嘅主角——市一人民医院。

喺市一里边，有好多以前方便医院嘅遗迹，例如“方便廊”、“仁人行方便方便康复”门联、“念祖亭”碑文，以及带有“1891”字样嘅铜钟等等。由盘福路嘅正门行入去，经过内科大楼，行到差唔多到内科大楼就会见到方便廊同“方便”门联。“方便廊”虽然年代久远，但到今时今日都发挥佢嘅功用，方便咗呢度嘅病人同埋医护人员。依家最时尚嘅星巴克就喺左近，唔少住院嘅老人家闻住咖啡香喺大榕树下边散步倾偈，环境好咗，病都好快啲。

市一要做医院嘅“龙头”，估计日后呢度会多好多先进嘅医学设施。同“方便医院”有关嘅旧物应该都会保留，古今交错，历史感更浓厚。

◎李月婷 媒体人

新闻推荐

旅游播报 坦桑尼亚旅游局来穗路演

羊城晚报讯“2018坦桑尼亚旅游路演广州站”活动日前在广州举行。坦桑尼亚旅游局局长德沃塔·达齐向与会者介绍了坦桑尼亚...