百货公司“始祖”

白话广州

广州又开始大手笔城建，其中关注度最高嘅就系海珠广场嘅规划喇。呢个规划唔单单系海珠广场，周边嘅地区诸如长堤都喺升级之列。

当年嘅长堤，系广州最出名嘅吃喝玩乐购物一条街。广州人有句话叫做“食嘢食味道，睇戏睇全套”，嚟长堤就可以遍尝百味睇大戏睇电影，饮饱食足之后可以行百货公司。

百货公司林立系长堤嘅特点，但广州最早嘅百货公司并唔系喺长堤出现。广州人做生意有种“唔想衰，埋大堆”嘅心态，所以广州当年有好多专业街，而呢啲专业街多数系从西关起步。譬如光雅里，仪仗专业街；长乐路，炮仗专业街；德星路系百货专业街，传统百货批发业喺呢度兴起。长堤仲未开马路嘅时候，西关十八甫就已经出现第一家百货商店——光商公司，首创分柜式明码实价售货。过咗几年，十八甫又再开咗一间卖百货嘅真光公司。

真光公司当时好出名。当年佢喺天台开办游乐场，请啲双目失明嘅女艺人过来唱粤曲，成个游乐场宾客如云，逐渐变成一个粤剧发烧友嘅聚脚点。呢度出过唔少名角，任剑辉就系其中之一。后来好多茶楼都效仿真光公司，粤曲戏班就系从呢个时候开始入驻茶楼喇。

所以话，长堤嘅百货公司，光商同真光先系“始祖”；粤曲嘅流传，都有呢啲百货公司嘅功劳。◎李月婷 媒体人

新闻推荐

离水上岸 不再漂泊

2015年10月，黄埔古港一处码头，老渔民在船上生火煮饭。2017年1月，骑行爱好者在渔民新村南面珠江上的一处还未完工的断桥洞口...