喺屋企“上课”

白话广州

因为疫情影响，广州中小学延迟咗开学。虽然唔可以返学，但系可以喺屋企上网课。由于“停课唔停学”唔可以教新课，所以啲家长好好奇呢啲网上课程究竟系点嘅。

各个区嘅教学内容可能都唔一样。以越秀区为例，佢哋每日朝早就有三堂课，从早上嘅8点45分开始，有早晨体操，有阅读表达，即系啲看图口头作文之类，仲有啲算术练习，好似数独。之后就系啲美术、音乐，最后系劳动生活。

从课程表嚟睇，就觉得啲老师真系好用心，从各方面促进细路啲发展。成个课程表同平时上课差唔多，只不过每节课嘅上课时间二十分钟左右，课间仲有课间操、眼保健操，学生哥都系睇住照做，或者自己放松下。

最令人估唔到嘅，就系晏昼嘅在线讨论。呢个其实系用在线会议软件嚟进行答疑，同课堂问答一样。一个班级一个网络会议室，老师会就相关嘅问题问啲同学仔，会即兴点名提问上午嘅学习内容。隔咗成个寒假，谂唔到啲同学仔会咁样见面、上课。

从星期一到而家，我哋屋企啲小朋友已经上咗三日网络课，虽然课程唔算紧凑，但系将佢哋嘅作息心态调返到正常嘅学习上，有助于开学时进入状态。◎阮栩编辑

新闻推荐

不仅学知识，更要懂成长

17日，北京、广州等地开始了特殊的“开学季”，广大中小学生在学校教师的指导下开始了“线上”学习生活。受新冠肺炎疫情影响...