“潮流”杨巷

白话广州

最近，旧日丝绸商人陈凤笙嘅私宅、位于西关杨巷嘅“拾翠”大宅又再登报。点解呢间大屋咁多人关注呢？有人话，佢系一间可以“穿越”旧时光嘅百年大屋。

其实计我话，唔单止“拾翠”大屋有好多精彩故事，佢外边嗰条杨巷路，一样都有威水史。依家好多后生仔中意去嘅“流行前线”，九十年前嘅杨巷就系佢嘅“雏形”。呢条街，当年以销售外来商品为主，系当时出名嘅“洋货一条街”。但凡有女士嚟行街，啲商家就会派人出来招揽生意。类似皮带、香水、丝袜等等嘅舶来品，喺呢度都可以揾到。

后来，杨巷发展成为布匹集散地，地位同依家嘅中大布匹市场差唔多。本地嘅云纱丝绸，外来嘅英国绒化纤布都有得卖。由杨巷带动，多宝路、宝华路、十六甫东四巷等等地方出现咗好多裁缝铺，帮人度身订造洋服同西装。当年附近仲出咗间叫做“李裕兴”嘅针织厂，佢嘅内衣非常有名。依家嘅杨巷布匹生意式微，但同布匹相关嘅服装类市场依然成行成市，算得上系“一脉相承”喇。

几十年前嘅杨巷咁“潮”，所以从呢度到西堤嘅一整段路系当时全广州最繁华嘅商业街。因为繁华，就连花市都喺杨巷开档。到咗年卅晚，芳村、顺德嘅花农就会过来呢度摆档卖花。杨巷都有花市，呢样大家又知唔知呢？

◎李月婷 媒体人

新闻推荐

高质量发展体制机制改革创新实验区建设全面起航顺德村改今年驶入快车道

龙江陈涌工业区规划图今年村改任务：●研究规划村改顶层设计，编制“多规合一”的村改总体规划●努力实现全区村...