哥妹劝慰歌

愁激唔得几多时，放开心事莫管佢。

眈起头来天咁阔，命歹唔单公式同你。

有愁有苦爱想开，切莫愁苦做一堆。

藤断自有篾来驳，船到滩头水路开。

阿哥落运妹莫愁，咁好棉纱有结头。

咁好月光有缺角，咁好草山有瘦牛。

落得雨多天会晴，米谷贵哩总会平。

水打石桥会转侧，阿哥总有好运行。

你莫激来你莫愁，自有云开见日头。

自有水清见石子，自有春光在后头。

问妹唔声真系奇，哪句言语得罪你？

句把言语妹爱受，洗碗也有相磕时。

妹子愁激公式也知，去年生日欠贺礼。

今年公式会补转去，咁苦也会送畀你。

交情唔系交身家，劝妹心肝莫咁贪。

上村下村你去找，发财富贵有几家？

妹子心中莫多疑，莫嫌阿哥得运迟。

腊蔗想长多一节，花开有日运有时。

劝妹唔使气嘟嘟，阿哥唔曾同过有。

上邻下舍你去问，问到系有杀我头。

因为讲笑讲伤时，朋友相劝好转哩。

苎子捞棉一下纺，两人夹线到春尾。

茶油煮菜莫嫌斋，有心连妹莫嫌公式。

手指伸出有长短，石头铺路有高低。

妹莫怨公式矛心肝，石灰荡壁心里砖。

毛蓝褂子里皮袄，着哩正知咁温暖。

苏州锣鼓好声音，阿哥言语值千金。

咁好言语纸包起，年长月久记在心。

（陈仕钦辑）

新闻推荐

郭艾伦34分辽宁续命 卫冕冠军 客胜新疆

新华社乌鲁木齐4月14日电（记者马锴）CBA联赛季后赛半决赛新疆广汇汽车与辽宁本钢第三回合的比赛14日在乌鲁木齐开战。依...