裹蒸唔叫粽

白话广州

嗰日行过一档卖粽嘅档口，听到一个后生仔问档主：老细，点解你个招牌剩系写“裹蒸”嘅，系咪漏咗个“粽”字啊？

呵呵呵，后生仔，你真系太后生喇。不过，相信好多广州街坊亦系认为，“裹蒸粽”先至系呢种食物嘅全名吧？错喇！

“裹蒸粽”系出自肇庆嘅传统食物，对于佢个名，其实一直存在误解。

标准讲，裹蒸就叫裹蒸唔叫粽，佢同粽系有区别嘅：

一系来源唔同。粽源自战国时期老百姓为保护投江嘅屈原尸体，掟入江喂鱼嘅食物，而肇庆裹蒸源自秦代，最初系农民去田间劳作带嘅干粮；

二系制作、外形唔同。裹蒸系用肇庆本地冬叶包，外形系金字塔状，并且比较大个，而粽系用芒叶或竹叶包，外形系四角状或长条状。

喺一啲古籍中亦有提到“裹蒸”嘅叫法，比如唐朝《 南史》就有咁写：“太官进御食，有裹蒸，帝十字画之……”

因为肇庆亦算系小弟半个家乡，所以经常去，发现当地人的确只系讲“裹蒸”而比较排斥“裹蒸粽”嘅叫法。

宜家市面同埋网上资料，既有叫“裹蒸”嘅亦有叫“裹蒸粽”，但作为老百姓，啱自己口味先系最紧要，话知你叫乜啦。◎阿六 律师

新闻推荐

肇庆举行“粤菜师傅”技能竞赛决赛

广州日报讯（全媒体记者于敢勇通讯员莫玉坚）为深入贯彻技工教育“以技能为核心、以就业为导向”的办学理念，弘扬劳模精神...