游览大钟楼②

白 话广州

喺上一篇文章中 我讲到，粤海关博物馆之所以叫“大钟楼”，系因为顶楼嘅大钟。喺博物馆入边，就有一个专门嘅视频嚟介绍呢个钟：佢系国内少见保存得咁好嘅全机械传动式立钟，顶楼四个方向有四个直径2.7米嘅大钟表盘。敲钟就系五个大细唔同嘅铜吊钟通过重力嘅作用将三个钟锤拉到顶，慢慢噉揼落嚟，带动机芯同埋敲钟奏鸣。

如果想了解得仲清楚啲，博物馆嘅5楼就有一个缩细版嘅“大钟”，佢系一个真系可以行嘅大钟，到咗时间一样会报时。

点解海关大楼都会整个钟喺上边呢？除咗正常嘅报时，佢最重要嘅作用系作为征税嘅时间依据。从19世纪开始，海关喺按照天数嚟计算船舶嘅吨税，过咗凌晨零点就要加收多一日嘅钱，所以海关嘅办公楼都会喺当眼处整个钟，嚟睇住时间收税，真系分分钟都系钱嚟嘎。

大钟楼嘅铜钟系1915年喺英国铸造，成套大钟系统到而家一直都正常运行，质量真系顶呱呱。佢唯一坏嘅一次系解放战争嗰时俾炸弹震坏，当时嘅广州市市长叶剑英仲写信俾上海市市长陈毅求助，上海方面就派咗8个钟表师傅过嚟，用咗三个月终于修好，大钟悠扬嘅乐声又重新飘扬喺珠江两岸。◎阮栩 编辑

新闻推荐

掩埋的秘密

钟红明上海《收获》杂志副主编曾经读过许多旅途中的小说。陌生人临时集聚的团体，共同在异域朝夕相处渡过数日，除了异域...